八字的阳男阴男及阳女阴女
 
最近又同班朋友聚一聚，我呢班朋友聚旧，大家时有时会带其他朋友一齐黎，我地年青人无乜所谓。
 
呢日既聚会，识到一位朋友，对八字有兴趣，最近开始睇八字命理既书，知道我对风水、八字、紫微斗数、面相掌相、占卜等等，都有研究，所以就问左我一个问题。
 
既问题对我黎讲好简单，我仲怀疑睇八字书，只睇两眼就算，无乜真正逐字研究。问我：八字起大运，以阳男阴女顺行、阴男阳女逆行。我想知道，男命属于阳男或者阴男﹔女命属于阳女或者阴女，怎推算﹖
 
如果大家对八字有些少研究，可能同我一样，觉得问题实在太简单。我记得，第一课跟老师学习八字，已经识得分辨阳男阴女及阳女阴男等等。
 
我简单咁教：你知道乜天干属于阳？他微低头，略一思考：甲、丙、戊、庚、壬。无答错，不过唔纯熟，否则，应该可以唔使谂就可以答得出甲、丙、戊、庚、壬。
 
我再问：又有乜天干属于阴呢？今次唔使谂，立即答出：乙、丁、己、辛、癸。非常谨慎咁读出，虽然略慢，但全中。
 
我正想再讲，就突然略有所悟：我知！在甲年出生既男性叫阳男，而甲年出生既女性叫阳女；逢乙年出生男性叫阴男，而乙年出生既女性叫阴女！其它天干都咁样推算！
 
终于有所领悟，对﹗八字阳男阴女等等，以年天干属于阳定阴作定论，阳年出生男性叫阳男，阳年出生女性叫阳女。
 
研究八字，分清楚阳男定阴男非常重要， 因为起大运时，顺行定逆行，两者所影响既一生运程，可以出现极大差别。